سراقة القلوب
بنوته جديده
تاريخ التسجيل : 30/08/2009
العمر : 32
 | | موضوع: يمه بقول لك شي بس لاتعصبين ..// ! الأحد أغسطس 30, 2009 10:30 am | |
|
يمه بقول لك شي بس لا تعصبين ..//
يمه كتابي بالمدرسه نسيته ..!
ونسيت الالوان ودفتر التلوين ..//
و دفتر الأملاء بالغلط شقيته ..!
و المريول يالغاليه لا تنسين ..//
بالالوان و المزيل وسخته ..!
وانا مع صاحباتي المزايين ..//
يمه صبعي بالمقص جرحيته ..!
بس صدقيني ترى مايعور الحين ..//
لاني في المدرسه بالماي غسلته ..!
و نشفته وحطيت صبغة الايدين ..//
وبلزقه الجروح و الكلينكس لفيته ..!
اكلت العلكة وجبنه لوزين ..//
و العصير ما عجبني طعمة ورميته ..!
ايه يمه ابله العربي الي تعرفين ..//
يمه الجوال منها سرقته ..!
قريت الرسايل المرسله و الجايين ..//
وفيها كلامن كثير ما فهمته ..!
بس والله يايمه تصدقين ..//
بسرعه وبدون ما تحس رجعته ..!
يمه وبقول لك شي بس ابوي لا تخبرين ..//
شعري امس بالمكوى حرقته ..!
و روجك الوردي الي تحبين ..//
يمه خذته معي و في الباص ضيعته ..!
تكفين يا يمه لا تزعلين ..//
لاني روجة الباربي و العطرلك شريته ..!
يمه اسناني تعورني من الصبح للحين ..//
وضرسي الي يتخلخل بالغصب قبعيته ..!
و غسلت فمي و بالماي وللحين ..//
القطن بفمي من الصبح ما شلته ..!
يمه حصة القران تدرين ..//
والرياضيات والعلوم ما حظرته ..!
جلست العب في الساحه مع صابرين ..//
وضيعت شرابي وللحين ما شفته ..!
ورحت مع احمد للمدرسه تصدقين ..//
وكل الي نسيته من هناك جبته ..!
ردفني بالسيكل وسرعنا مثل المجانين ..//
و شرابي الوردي وربي لقيته ..!
وفي طريقنا واحنا ع المحل مارين ..//
وقفته و من يده للمحل نزلته ..!
وهذا الكتكات و السنكرز لا تزعلين ..//
و االببسي والبونتي لك شريته ..!
وترى نص الكتكات لي لا تفرحين ..//
و البونتي والسنكرز لك مابغيته ..!
وهذي هي اللصقه و غرشة الايدين ..//
وترى من غرفة الارشاد سرقته ..!
يمه تعبت من الحكي وبنام هالحين ..//
وبكره اكمل لك الي سويته ..!
اووه صحيح الحليب الي شريتين ..//
تراه انكب بالمطبخ ما غسلته ..!
و صج الكريم و علبه الفازلين..//
و المشط و الشرايط بالكبت خشيته ..!
واخوي الصغير يبكي من جيت للحين ..//
مو راضي يسكت بالعصا طقيته ..!
يمه تكفين بالزعل لا تعاقبين ..//
لان ابوي توي من شوي راضيته ..!
هذا يايمه الي صار لا تكفين ..//
لا تزعلي ترى الزعل عمري ما قويته ..!
ودخلت الطفله في عالم الحالمين ..//
والدموع الي بعينها ما نسيته ..!
نامت الطفله و هي تتمتم الى الحين ..//
يمه السمك ترى للقطو حطيته ..!
يمه المريول اغسليه لا تنسين ..//
و علي واجب لبكره ما حليته ..!
اخذت يمه نجمتين بالدين ..//
واختفى صوتها والباقي ماسمعته ..!
مسحت دمعتها و قبلت الجبين ..//
و شعرها المنثور بيديني جمعته ..!
طفلتي جننت من البشر ستين ..//
و الميه الحين اتوقع وصلته ..!
مما راق لي ..
| |
|
دموع الورد
بنوته فعاله
تاريخ التسجيل : 30/08/2009
| | موضوع: رد: يمه بقول لك شي بس لاتعصبين ..// ! الإثنين أغسطس 31, 2009 7:17 am | |
| سراقة القلوب
باليبه على القصيده الأكثر من رائعه
وفيها الكثير من البراءة
الله يعطيكي العافيه قلبو
ودي لكي | |
|
سراقة القلوب
بنوته جديده
تاريخ التسجيل : 30/08/2009
العمر : 32
| | موضوع: رد: يمه بقول لك شي بس لاتعصبين ..// ! الإثنين أغسطس 31, 2009 7:20 am | |
| دموع الورد .. {
شرف لي حضورك ف متصفحي
دمتــِ غالية ومتميــزة
مع التحية ..
.. | |
|
دنيا يا زمن
بنوته جديده
تاريخ التسجيل : 30/08/2009
| | موضوع: رد: يمه بقول لك شي بس لاتعصبين ..// ! الثلاثاء سبتمبر 01, 2009 12:39 pm | |
| | |
|
سراقة القلوب
بنوته جديده
تاريخ التسجيل : 30/08/2009
العمر : 32
| | موضوع: رد: يمه بقول لك شي بس لاتعصبين ..// ! الثلاثاء سبتمبر 01, 2009 12:41 pm | |
| دنيا يازمن .. {
شرف لي حضورك ف متصفحي
دمتــِ غالية ومتميــزة
مع التحية .. | |
|
