اشتقت لك يا [ أخوي ]

بنوته فعاله تاريخ التسجيل : 30/08/2009

اشتقتلك يا أخوي

يا اخوي شلونك؟؟
مشتاقة لك ..
مشتاقة لمبسمك وعيونك..
فراغ الكون بعدك..
يا هو كئيب البيت من دونك..
يا هو مشتاق لجنونك..
لا تسألنا عن الحال..
حالنا يا بعد عمري والله حال..
تبي تسمع أخبار؟؟ تبي تدري ش اللي صار..؟؟
أنا بعدك كرهت جدة ومافيها.
حتى شوارعها ومبانيها ..

رحلت يا أخوي لكن حسك مارحل....
تغني ..تضحك..وتسرح..
تعصب ..تتضايق ..وتفرح..
وإذا جاني الليل..
أصير أسمعك أوضح..
تناديني..؟؟؟..يا عيني..
نامي..
ذبحك السهر يا بنت..
لا عاد هالأنترنت!!
خذا عقلك وتفكيرك..
هالمنتدى ماعندهم غيرك؟؟!!
تعالي نسولف شوي..
تعالي با أقول لك شي..
وأدري ماعندك شي..
تدري يا اخوي؟!!
ألعب على نفسي..
أقول يا بنت أنسي..
بتمشي الأيام وتمر..وبيمشي العمر..
أكذب على نفسي أدري..
تونا بدري..
ماراح من الفرقى غير اسبووع..
الله يساعد..الله يعين..
تدري يااخوي و ش بيدي الحين..
بيدي صوره من السنين..
وحنا صغار..

يوم كنا صغار..
ما عدنا الاثنين الصغار..
مشى الزمن فينا والوقت دار..
وصرنا كبار..
وتغير كل شي..إلا..
حطة راسي على كتفك..
ومسكة كفي لكفك..
كنت تطالعني..تبتسم..تشيلني ..وتقفّي..
آه يامقفّي..كنت دايم واقف بصفي..
تبي تسمع بعد أخبار؟؟
تبي تدري بعدك شاللي صار؟؟

أمك..
سيرتها من مشيت..
ياليتني ماخليته يروح..ياليت وياليت..
وينه حبيبي؟؟وينه شمعة البيت؟؟
من أبسأل وين أنت؟؟وشسويت؟؟
متى راجع؟؟..ولاتتأخر علي..ومن وين جيت؟؟!!
لا تسرع وانا أمك..وشوي شوي إن مشيت..

وأبوك..
تصدق يااخوي ..توقعته أقوى..
أثره على فراقاك مايقوى..
كل يوم يودي بسيرتك ويجيب..
ولدي رجال..ما ينخاف عليه.
ولدي ذيب..

وأخوانك..
بقعدتهم خالي مكانك..
تعال وشوف حاله في بعدك..
ملوا كل شي بعدك..
لا طلعات..لامشوار..
لا سهرات..لا نادي..حتى أبو نوره..
ما قمنا نسمع له..
إن سمعنا له تجي على البال..
والكل يدمع..

آآآآآآآه ولاسمعنا" الأماكن"..
ياهو يهتز فينا كل ساكن..
فيها مقاطع ودي أبو نوره مايقولها..
ودي أنها مايغنيها..
"الأماكن الي مريت إنت فيها..
عايشة بروحي وأبيها ..
بس لكن مالقيتك"
ليتك تشوف الحال يااخوي ليتك..
كنه أبو نوره مغنيها عشانك..
كنه داري إنه بيخلى مكانك..
وأحتريك..
أمر الاماكن.. لكن
مأآلاقيك..
"كل شي حولي يذكرني بشي..
حتى صوتي وضحكتي لك فيها شي..
لو تغيب الدنيا عمرك ماتغيب..
شوف حالي آه من تطري علي.."

فقدنا قعدتك معانا..
كان السهر معك غير.
كان الليل يجمعنا..
ليش السهر الحين؟؟
ماللسهر طعم..ماللسهر معنى..
حتى قعدات العشا..
تذكر يااخوي؟؟
تذكر الجالكسي و قهوتنا والأخبار..؟؟
وين انت يالغالي؟؟
يقولون أبالغ وأكبر الموضوع..
ماشافو حالك وحالي..
يوم ودعتك وعيونك تلمع دموع..
"أشوفكم على خير..لاتبكون..وأدعوا لي"
الله ياخذك يالفرقا ذبحتيني..
بكل حملك هالمرة جيتيني..
الحين يعني ذكرتيني..؟؟
حطمتي قلبي..قتلتيني..
هديتي كل حيلي اللي فيني..
بقولك شي يافرقا..وطيعيني..
خذيني..ولأخوي ودّيني..
بعدين أنسيني..
يافرقا..تسمعيني؟؟!!!
"انسيــــــــــــــــــــني"

بنوته جديده تاريخ التسجيل : 30/08/2009

كلمات آثرت فيني

فقد أحسسست بك و بمشاعرك

لأنها ذبحتني و قتلتيني

لذلك دائماً تذكري ::

بأن طلال رحمه الله محبوب لدى الجميع" هذا دلالة على أن الله تعالى أحبه و أمر ملائكته بمحبته و جعل محبته في قلوب عباده "

وهذا أمر عظيم و مريح في نفس الوقت

لا حرمك الله من الباقين و الغاليين على نفسك

فــ رحم الله فقيدنا الغالي رحمة واسعة و جمعنا و إياه ومن نحب في جناته

اللهم آمين

بنوته جديده تاريخ التسجيل : 30/08/2009

كـ السرآب .. حين .. ينطفئ ضمأ العـطشآن ..
كـ ذآلك .. الشئ الذي بدأ .. يغـآدركي ..
كـ الأشخـآص من حولكـ .. كل يوم لهم حالة ولون ..
عندما يقبض الله روح عزيزه عليك ..
وكان رحمه الله "كاتم الاسرار والصديق الحقيقي لكي "
ستدمع العيون اشتياقا لتواجده معك وحاجتك اليه
غفر الله لـِ طلال وأسكنه فسيح جناته

طيف المشاعر

تهجرني الكلمات
فلا أستطيع أن أعبر لك
عن مدى الروعة التي تحتويها تعابيرك
لحروفك صدى يتردد في النفس
وبالأمل نعيش دائما
رحم الله طلال وأسكنها فسيح جناته
وغفر لها ولجميع موتى المسلمين

اللهم آمين

بنوته فعاله تاريخ التسجيل : 30/08/2009

لو شو ما قلت ما هعبر على ما بداخلي

ما عساي اقول الا الله يرحمه يارب و يسكنه فسيح جنانه

طيوفة لك الله و زوجك و البيبي اللي جاي بالطريق

بنوته فعاله تاريخ التسجيل : 30/08/2009

طيف المشاعر

لكلماتك صدى حزين في أوتار قلبي
أختنقت عباراتي وأنا أقرأ سطوري
فما كان مني إلا أن أكتب بقطرات دموعي
أسأل الله الرحمه والمغفره والثبات لفقيدنا
ودي و وردي لكي

بنوته جديده تاريخ التسجيل : 08/09/2009

توأمي

رحم الله طلال واسكنه فسيح جناتك

كلمات الحزينه أثرت فيني
يحتاج دعواتك فقط

الدموع لن تعيده ابدن

مودتي